Dia har fått kaninunger! Heile åtte stykker, men ein var død når eg fann dei. Det såg ut som den var fødd utanfor bolet. Utan syskena varmt høy og kaninull døydde nok den vesle av kulde i natt ikkje lenge etter fødselen. Eg fann ein kald unge i bolet og flytta denne til dei andre syskena. Eg er ikkje sikker på at Dia klarer å ta vare på dei, men ho må jo berre få gjere eit forsøk. Utruleg mange kaninunger til å vere fyste gangen! ikkje rart ho var stor! Angorakaniner er avla på på grunn av ulla, og difor har kullstørrelsen ikkje vore sett på som det viktigaste. Difor er ikkje store kull så vanleg hjå rasa.

Grisane koser seg, og roter i gjørma:) Dette er verkeleg intresanne dyr å følge med på! Eg har nesten bestemt meg for å behalde ei til to purker, hadde jo vore greit med grisunger sølv:)

Mosi har bedaglege dager for tida. Han er flytta til eit litt større beite med rennande vatn, på nedsida av vegen. Eg trur han koser seg her. Eg vurderer å skaffa han ein forrytter, så dersom nokon er intrisert, gje meg beskjed:) Eventuelt spør andre du trur kan vere intriserte.

Vi har tenkt meir på opningsdagen, og har kome fram til at vi tek den til hausten. Då har vi forhåpentlegvis kome meir i orden, fått alle dyra, og slepp å ha ei stress opning. Dessuten har vi fått eit par leide kommentarar om at vi ikkje må ha opning da, for då har dei ferie:) Så då håper vi på storoppmøte til hausten:)

Har hatt besøk av reven igjen... Klarte ikkje å halde hønene inne lenger, og har lete dei gå lause medan vi er ute å jobba på dagen, men eg finn berre nokre fjør frå den eine kvite italienaren min... Men no meinar eg at det er lov å jakte rev, så då håper eg nokon vil skyte han for oss. Det er nok raudrev i Noreg, så eg har ikkje dårleg samvit for å redusere denne bestanden.

Eg og mannen diskuterte dette med revehald. Vi har ein god del gamle betongrevehus på mellom to og tre kvadrat. Sidan reveoppdrett, altså pelsdyroppdrett er ei grein innafor landbruket, og det er historisk tilknytning her på garden, har vi kome fram til at vi må skaffe oss eit revepar. Eg tenkjer blårev eller kvitrev, sidan desse har det beste gemyttet for å kunne haldast i fangenskap. Dette er mutert fjellrev, og dei kan dele revir med andre rever. Dei vil sjølvsagt ha utegard som alle dei andre dyra

Berre å kome med komentarar eller liknande i "comments" feltet oppe til høgre:)

Mykje å setje seg inn i for tida. Men har endeleg klart å bestille lovpålagde øyremerker til dyra mine. Skal love dykk at det var ikkje heilt enkelt, og eg måtte innom mattilsynet sine nye registreringssider, snakk om bal... Venter også på godkjenning som besøksgard hjå mattilsynet, når eg ringde fredag var der berre ein på arbeid. Han kunne ikkje hjelpe meg, så han ba meg ringe måndag. Eg spurde då eksplisitt om der då var fleire på arbeid, joda det var der... Ringde måndag og møter telefonsvareren som ytrer dette :" Den personen som har dette nummeret er på reise og kjem tilbake torsdag". Mhm, dei maskinelle personane var i vertfall på arbeid...

No har kyllingane mine fått full fjørdrakt, og er dermed klar for utelivet. så i dag skal eg og mannen tilpasse nokre kasser og nettingbur som har vore brukte til rev. Slik skal kyllingane også få lov til å ete gras og kose seg ute i sommarveret:)

Må melde meg inn i nortura for å kunne skaffe meg duroc gris. Det synest eg det tok litt for lang tid å finne ut av. Koster flesk gjer det også... men må man så må man...

Framleis ingen kaninunger... Begynner å tru at hoa mi er for feit... kan verte problem av sont...

Skaffa meg ein jærhane til jærhønene mine. Men dette var eit heller dårleg val. Han går ikkje skikkelig, og det er noko allvorleg gale med beina. Så den er utelukka for avl. Håpte den kunne gå i lag med resten av hønseflokken til neste slakterunde, men det har til no ikkje gått så bra... Han er eit mobbeoffer stakkar. Skal ned å sjå til han no. Han er inne i hønseflokken igjen etter nokre dagar i isolat for å kome seg.

Etter eit siste angrep av rev er hønene mine inne i hønsegarden på heiltid. Risikerer ikkje at han tek fleire no. Han er jo her midt på dagen!

Ingen har kome med forslag til ku namn i forumet, berre kom med forslag:)

Kyrne har no fått seg eit stort beite ned på eine dyrkamarka, så no er det slutt på rømminga:) Ser ut som om dei storkoser seg der:)

Lamane har vi flytta til innhegninga ovanfor huset, virker som dei saknar si gamle innhegning i blant. Problemet der var at dei ikkje åt alt graset som vaks opp på do-plassen deira, så snaubeita dei resten. Så no har eg raka gjødsla utover, og håper regnet slettar alle spor:) Slik at lamane kanskje tore nyttegjere seg av graset, eller nokre andre dyr.

Hønene liker ikkje å vere stengde inne i hønsegarden. Fann ei ute i går som var så våt som det er mogleg for ei høne å vere. Dette er ein sky italienar, men når eg opna døra gjekk den lydig rett forbi meg for å gå inn å varme seg:) Slepp ut hønene på dagtid når eg er heime. Mykje på grunn av at dersom dei ikkje får vere ute et dei så mykje kraftfor:) Dersom det er fint vær får eg litt problem med å få dei inn igjen, spesielt dei nyankomen jærhønene. Som det foresten berre er to igjen av... Dei stakk av når eg skulle ha dei inn igjen. Dei har klart å kome seg over innhegninga før, så eg håpte dei ville gjere det igjen. Men neida. Vakna av eit fole spetakkel to gongar, den siste såg eg reven, og la på sprag og skremde den. To høner, i staden for tre, gjekk då lydig inn til dei andre. Flink den reven eigentleg, plukker berre ei og ei høne. Nye hanen gjer tydeligvis jobben sin, for det var nok den som varsla meg:)

Prøver å skaffe gris no, men ingen svarar på mailane mine, grrrr. Så eg får ta meg ei ringerunde i staden:) Brune/raude Duroc ynsker eg meg:) Dei har meir intramuskulært feitt, toler meir sol, generelt meir hardføre, men får færre unger, samanlikna med den vanlege landrasa.

Kyr på farta:

Kyrne vore er ganske smarte har eg funne ut, eg er ikkje det... Vi har stengt av beite deira med  to spiral hemper, brukt til straumgjerde. Men utan straum på lærte dei seg fort at dette var berre å løfte vekk, og gå pent under. Fyrste gongen gjeta vi dei inn igjen, og knytte eit straumtau, utan straum på, som "forsterking". Nyttelaust. Kyrne kosa seg ute på kulturbeitet vora, utan å vere innestengde av gjerder. Så da tok eg den råsjansen å lot dei vere der, og det uten bjølle. Korleis i vidaste verda skal eg få festa den eigentleg uansett, har jo kjøpt ei no, men kyrne stolar jo ikkje så godt på meg...

Uansett fann desse kyrne ut at dei skulle gå ned til bygda, medan vi var i Ørsta heile dagen. Så fekk vi to telefonar om lause kyr, ups, flau. Ein kommentar var " Dokke ungdommar må lære dokke å ta betre vare på dyra dokkers", dei fleste avdre var av typren: Slikt skjer, kan skej med alle og nokre hjelpte meg litt i straten for å få dei heim. Noko som viste seg å vere såre enkelt berre vi fekk dei på vegen. Då gjekk eg aleine bak dei, samt ein i bil som kunne hjelpe meg om eg fekk problem. Så gjekk dei heile vegen heim, utan å stikke av nokon plass, og gjekk same vegen innigjen som dei hadde kome ut, omtrent utan hjelp.

Så kva lærte vi av dette? (Eller eg da, skal liksom være bonde å greier). At kyrne bør vere godt kjende med garden før vi slepp dei utanom gjerdet, og ha oppretta ein fast foringsplass der som dei kjem tilbake til. Sjølvsagt fekk dei ei ordentleg grind av Håvard, for eg kan jo ikkje snikkre...

 

Det betyr at eg er nødd til å setje opp masse gjerder, og det kvikt, for eg trur ikkje dei to måla dei har med beite no held i noko lengd, og eg vil jo ikkje svelte dei...

 

Rev!

Ditt kryp av ein slyngel! Jauda reven har vore på ferde igjen. Cinderella som var så glad i å flyge over gjerdet har ikkje retunert. Hermin som låg på reiret og var klukk er også vekk. Den siste høna var nok mest min feil, døra kan ikkje ha vore godt nok igjen... Så nå er den sikkra med ein stokk. Vi Såg luringen i går også, og dagen før. I går var han inne med lamane, rett utanfor hønsegarden, låg å kjika, men måtte gå vidare like svolten. Lamane såg den, men var verken redde eller nyfikne angåande den nyankomne. Kanskje dei alt har blitt vand med den..

Vi forhører oss no om det er mogleg å skyte den. Liker uansett ikkje å ha den så nært inn på dyra. Mulig den har skabb som sagt, stygg var den, men den hadde jo pels så eg veit ikkje...

 

Eg skal hente to Jærhøns i dag, så då får eg litt fleire høns igjen, berre ikkje reven tar desse også...

Då har vi henta vore Belted Galloway kyr! To store nydelige kyr med kvar sin vesle kalv, den minste er berre uimotståeleg:) Der var veldig stressa over å verte flytta og måtte stå i hestehengar. Så for å få dei ut av hengaren bygde vi gjerde rundt heile hengaren, og så gjekk dei pent å pynteleg inn i ingjeringa si. Dei står no rett opp for huset, der grønnsakshagen skal verte etter kvart:) Bilete kjem i morga trur eg, må berre få dei med svigerfar fyst, han har teke mange fine bilete, ein mykje flinkare og betre utstyrt fotograf enn meg:)

I dag gjekk eg, håvard, Ronja, og håvrd sine foreldre på lamatur til molladalen. Det er ikkje spøk, vi fekk med oss septimus heilt fram, og det uten større problem. Litt småknoting må ein rekne med fyste gangen.) Litt redd vatn, og har sine meiningar om kvar han synest det er best å gå. Men etter kvart har han lært seg å gå fint i tau bak meg. Ganske bratt og steinete, men der har han ferre probem enn meg eigentleg:) Vi gjekk på høgresida av elva, for å sleppe å gå der ein må halde i kjetting, sidan dette er litt vanskelig for septimus, og personleg likte eg betre denne sida...

Reven har nok teke nok ei høne. Sinderella har ikkje vist seg sidan dagen etter den fyste høna forsvann. Ho er lett på vengjane og har fløge ut og inn av hønsegarden som ho vil, men no ser det altså ut som ho har gjort det for siste gang... Synest litt synd på hønene som må vere inne i hønsegarden, men dei har jo eigentleg nok av plass der... Håper at Sinderella berre liggger å ruger ein plass, men det håpet byrjer å svinne litt no...

Skal forsøke å leggje inn nye bilete i morga:) Trur også eg vil skifte editor for heimesida, denne fungerer heller dårleg... Om nokon har gode forslag til ein enkel editor, med mange funksjonar og som er billig, er det berre å skrive dei i "comments" oppe til høgre:)

Då har sannsynlegvis reven vore her... Fann masse fjør, fyrst ein sti med fjør, så eit stort område fullt med fjør... Veit ikkje at det er rev, men har vorte advart mot ein skabbrev og eim anna rev i område... Rart han torte seg inn til lamane, men det har han gjort i vertfall...

Høna som blei teken var den skeivnebba lyse sussexhøna. Dette var ei stor høne på omlag 5kg. Konsekvens: eg sperrer inne hønene i hønsegarden til eg har sikra lamagjerde enda litt til... Så får vi prøve igen.

Er litt delt i synet på dette hønsetjuveriet eigentleg:
-sjølvbergaren
skulle ha slakta den for lenge sida... Hadde jo skeivt nebb og slubba veldig når den åt...

- nybegynneren
Den høna var jo så tam og kozelig...

-bonden
Drep den reven! Ei av mine beste verpehøner! (dog den mest rotete)

- latsabben
Då slapp eg å slakte den... Hadde jo tenkt å gjere det...

-Jegeren
Skytelysten, skulle hat gever og jægerprøva no... sjekke regelverket...